طريقة طبخ الأرز الأسمر

طريقة طبخ ارز الاسمر بالصور

طبق الارز الاسمر بالخضار ...
________________________________________

هذا طبق صحي وبنفس الوقت لذيذ وتقدرين تاكلين منه كثر ماتبين بدون لاتخافين على وزنج لانه فيه نسبه الياف كبيرة والالياف فايدتها للصحه انها تمشي الامعاء اما بالنسبه للرجيم تفيد الالياف بانها تاخذ جزء من السكر والدهون وتمنع امتصاصها داخل الجسم وتطردها للخارج ...

الطبق هو عيش اسمر وفوقه خضار بصلصه لذيذة بكتب مقاديرها وطريقتها اخر الموضوع...

وطريقتي بطبخ العيش الاسمر حق الي ماجربته من قبل اهيه احط كميه كبيرة من الماي تقريبا 6 اكواب ماي ولما يغلي احط فوقه العيش الاسمر كوب ونص ورشه ملح واقلب العيش واخليه يغلي لمدة دقيقتين بعدها اخلي النار متوسطه واغطي الجدر واخليه يطبخ لمدة 25 دقيقه بس انتبهي كل عشر دقايق حركي العيش ولما يخلص اشخلي العيش بس لا تتخلصين من الماي لانه راح يكون الماي مركز بالالياف , اخذي منه كوب وحطيه على جنب حق خلطه الخضار ....

المقادير ...

فلفل اخضر بارد حبه وحدة كبيرة مقطعه شرائح طويله
فلفل اصفر بارد حبه وحدة كبيرة مقطعه شرائح طويله
فلفل احمر بارد حبه وحدة كبيرة مقطعه شرائح طويله
كوب فاصولياء خضراء طازجه مقطعه شرائح طويله
مكعب ماجي قليل الملح
ملعقتين صلصه صويا
رشه فلفل اسود
ملعقه نشاء الذرة
بصل ابيض شرائح
كوب ماي العيش الاسمر
حسب الرغبه فلفل حار

الطريقه ...

بمقلاة رشي من بخاخ الزيت (زيت الكانولا تلقونه بمركز سلطان بقسم الزيوت) وضعي البصل حتى يتغير لونه وبعدين حطي الفلفل والفاصوليا وصلصه الصويا وطحني مكعب ماجي وحطيه فوق الخلطه وقلبيه لمدة 3 دقائق وبعدين حطي كوب من ماي الارز الاسمر ورشه الفلفل الاسود والحار والنشاء وغطيه وخليه على نار متوسطه لمدة خمس الى عشر دقايق وبعدين رفعي الغطا عنه وخليه ينشف الماي بس دقيقتين كافي وحطيه فوق العيش الاسمر وبالهنا والشفا .... جربوة وقولو لي رايكم ....

» الأرز الأسمر مع التونة واللوبياء
» سمــــــــراءٌ تفخََر بلونها الأسمر
» جراتن البامية مع الأرز
» طريقة عمل الحلويات بالصور- طريقة عمل الحلويات الشرقية والمصرية بانواعها
» الأرز الصيني