طريقة عمل صينية السبانخ والبطاطس والجبن بالصور
[CENTER]حياكم على صينية سبانخ نباتيه سريعه خفيفه
ولدي يموت فيها وبنتي ماتحب السبانخ بس في ذي الطريقه تاكله
تنفع كعشى او طبق جانبي
قطعي كمية من البطاطس بس انا احب اخلط معاه القرع الاصفر يمي يمي طعمه مع السبانخ والبطاطس
تقدرين تستغنين عن القرع لان الاساس بطاطس
اسلقي البطاط والقرع مع فصين ثوم ورشة اوريجانو
صفي البطاط وحطي معاه 3ملاعق كبيرة جبن وربع كوب حليب وملح وفلفل اسود
اهرسيهم مع بعض وطبعا مع فصوص الثوم الناضجه
وخليه ع بال مانجهز السبانخ ..انا استخدم المجمد على طول سمعت ان فوايده تبقى اكثر من الطازج
ذوبيه شوي بالمكرويف وخلاص
حمسي بصل وثوم
لما يتحمر البصل حطي السبانخ مع مكعب ماجي فتتيه وفلفل اسود وفلفل مجروش احمر
خلطيهم وخليه لين ينشف كل الماي اللي بينزل من السبانخ
عقب ضيفي 2ملعقه جبن او قشطه اللي تحبين
في صينية فرن حطي البطاطس المهروس
عليه طبقه السبانخ بالجبن
حطي اي نوع جبن متوفر عندك تشيدر او سلايس شرايح مع الموزريلا
دخليها الفرن اول من تحت خليها ربع ساعه عقب حمري الجين
رووووعه ولذيذة والسبانخ ماله طعم اساسا وانتي اللي تتحكمين في نكهته وهو معروف انه مفيد جدا وخاصه للاطفال والمراهقين فحلو ندخل الخضار بطريقه يحبونها العيال في الاكل وخاصه الغذاء المفيد للذاكرة في ايام الامتحانات...
الجمعة مايو 06, 2011 6:49 pm
