hasan alabdo
عضو رائع
الجنس : 
العمر : 42
المساهمات : 303
نقاط : 695
الميلاد : 05/08/1982
التسجيل : 01/09/2011
السمعة : 0
مزاجي : سكر
sms : ضميني بين أهدابك
ضميني قد مللت الحرية خارج عينيك
ضميني ولا تتعبي عينيك بالبحث عني
أخشى عليهما وأغار من جفونك
أحبك .....أحبك ومهما تصورت حجم الحب
أحبك أكثر
فيا أيتها الحبيبة .....لست أنا الذي يحبك
لأنك قلبي
ولست أنا الذي يفكر بك
لأنك عقلي
أحبك........أحبك..........أحبك
بطاقة الشخصية
الساعة الآن::
 | موضوع: المعادلة الرياضية للغاز القطري  الثلاثاء يناير 17, 2012 6:08 am | |
| رح نحكي رياضيات ومعادلات عدد المجاهيل فيها أكتر بكتير من عدد الثوابت
قطر = غاز
روسيا = غاز
روسيا / أوروبا = غاز........بالتالي غاز / أوروبا =قطر
أوروبا x روسيا = أوروبا محرومة من الغاز
... ... lim (نهاية) روسيا = الغاز القطري.......الغاز القطري ليوصل بدو أنبوب وليمر الأنبوب بدو سوريا، ومن سوريا بيروح عتركيا، وليقبلو الاتراك بدن كمسيون، وليفوت الانبوب بسوريا بدو اسقاط نظام، ولتخفيف الكلفة بدنا نظام ماياخد كمسيون، ولنخلق نظام بلا كمسيون، منخترع المجلس الانتقالي.
ليسقط النظام بدو جزيرة، والجزيرة تنتمي لقطر........وبالتالي خرا عالاعلام الحر
فرنسا تنتمي لاوروبا، أوروبا بدها غاز رخيص، بالتالي السياسة الفرنسية بتدعم الثورة من فوق ومن تحت وبالاعلام وخرا عالاعلام الحر مرة تانية.
أوروبا مديونة، أوروبا عمتدفع حق الغاز لروسيا، لناخد الغاز بسعر أرخص وننقذ أوروبا، منطنبر قطر بكأس العالم، منعطيهن قيادة الأمة العربية، منأمن حسومات عالغاز، منأسقط النظام بسورية، منعطي الأتراك كمسيون، منطبق حظر عنفط إيران،.........بالتالي فرنسا وبريطانيا وألمانيا مع الثورة ومع سياسة قطر.
ولابد من الطنبرة، خليها تشتي شهداء، وين مافتحت قمع، قتل، اغتصاب، تقطيع، نار، رصاص، دبابات، مآذن عمتوقع، شعارات، لافتات ........الخ
اسقاط النظام بيضعف ايران وحزب الله، عزل ايران واضعاف حزب الله بيطول بعمر اسرائيل، مصريات أميركا ورؤوس الأموال من اليهود، أميركا بتدعم ثورات بحيث تحقق معادلة الغاز من قطر والبترول من ليبيا لأوروبا، وبتأمن عغازات اسرائيل من مصر وبتدعيلو للبوعزيزي بالرحمة، وبتكتفي ببترول وغاز العراق والسعودية والامارات والبحرين وعمان.
الروس خايفين من خط الغاز البدو يمر من سوريا لتركيا ودايركت عأوروبا.........بالتالي ألف فيتو واس 300 ويوخونت يخدم شوارب النظام.
الصين نفطن من ايران والاميركان ماتركولن ولا رح يتركولن ولا سوق بديل......بالتالي ألف فيتو يمد بعمر ايران ويثبت أقداما.
بالنسبة لليمن هي صدفة واجت بمحلا، وقرب جرب الربيع العربي صار فجل
الامبريالية = دعس راس الشعوب ونهب ثرواتا والتحكم بسياساتا بقوة المال والسلاح والاستحواذ بكل شي وترك الفتات ومايسد الرمق...........الغاز هو الأمل لأوروبا من الأنبوب، والغاز هو الأمل للسوري من الجرة وطزززززز.
الشعب يريد اسقاط النظام والحرية واعدام الرئيس والحرب الأهلية، والنظام الجاية مجهز عقود الغاز والنفط والقمح والزيتون حتى والفوسفات والسياحة والخليوي وضل شوية تواقيع وأختام.
والشعب يريد اسقاط النظام واعدام الرئيس والحرب الأهلية، والشعب آمن بأنو الجولان انباع والممانعة مسخرة واسرائيل جار بفضل النظام
طيب شو هو النظام؟ مين هادا الكائن العجيب اللي اسمو نظام، أنا كمان بدي حرية أنا بحاجة الحرية ومستعد موت للحرية، بدي عيش ببلدي مع كل الطوائف وما أعرف هو شو ولا بدي حدا يعرف أنا شو، بدي دور عحزب آمن فيه وأنتخب ممثلينو ورشحهن عالبرلمان ، وبدي آخد حقوقي بالقانون، بدي عيش محترم بوطن الو سيادة وقيمة ، بدي الليرة تحكي، وبدي حافظ عالاقتصاد وبدي بدال انابيب الغاز نهضة عمرانية و اقتصادية بكل سورية و كون من المشركين بالعمران ، بدي اسهر يوم الخميس للصبح وفيق يوم الجمعة الساعة أربعة بدون ماخاف وبدون ما يدقلي حدا، أنا مابدي اسقاط حدا، بدي وطن لحالو يبزق الما بيستاهلو بدون ما انزل لا عشارع ولا عيوتيوب ولا عفيسبوك،
أنا بدي حرية مابتشتغل عالغاز | |
|
