هل انت جريئة

س 1 / هل تستطيعين كتابة اسمك الصريح في مشاركاتك في النت ؟
اي فيني بس مو مضطرة وهاد شي شخصي ما دخلو بالجراة

س2 / هل تستطيعين أن تقولي للذكر في حياتك ( أخ ، زوج ، ابن ، رئيس عمل )

كفى انا أرفض سيطرتك ، أو كفى أنت وقح ، أو أنا لا اطيقك

اي اكيد فيني بعد ما بكون وصلت معي للخنئة بحكي وبئول مشان ما حس بيوم اني انظلمت برفض فكرة الظلم وان كان ذكر يعني وين حئنا الاناث شو ان كنا انااث نسكت بحكي وبكل جراة وما عندي اي مشكل لان مستحيل احكي ان ما شفت الحئ معي


س 3 / هل لديك الجرأة للتمرد على طبيعة العطاء في شخصيتك ..
و تعطي لنفسك على الاقل يوما واحدا تنزلين فيه
عن كاهلك حمل هم ابنائك ، أو اسرتك ،
أو عملك ، أو زرجك


ولك اي بحلئي ارتاح شي نهار وان ما كفى نهار بسويهون نهارين بس ما بئدر كمل اكتر
لان مو عايشة لوحدي ولازم كون ئد مسؤوليتي وسويها لاخر شي
مشان ما كون ملامة بكره فكرة ملامة بسبب تئصيري لازم اعطي وما ئصر بنوب

س4 / هل أنت جريئة لتقولي لمن حولك أنا انثى ضعيفة سهلة الخدش ( قارورة ) وهذه القوة
قناع احمي به نفسي ..

يعني هاد الواقع انو انا انثى انا ضعيفة لازمني اكتر اهتمام مو مشان احمي حالي
بس لازم احكيها بوئت ما يجي مثلا اخي الي اكبر مني يسوي عليي مراجل ويستقوى عليي
هون بئولا اكييييد لانها الاصح ما تعبر عن ضعف لان ما في حدى مننا ضعيف انخلئ فينا القوة وخلئ فينا الضعف وكلشي الو اسلوبو

س5 / أخيرا ... ما مفهوم الجرأة لديكِ .. ؟ ( لك الحرية في التعبير ..)
بحب البنت الجريئة وانا منهون الجرأة عندي تحدي الواقع ورفض الظلم كوني انثى معرضة لظلم الاغلب بحياتي
ما بحب اكبت بحب احكي راي وبكل صراحة ما بهمني ان مقبول او لا
هاد انا وهاد راي.. جرأتي احيانا تعملي مشاكل بس ما بحكي
غير حقي والي شفتو غلط بحقي
بحاول ابتعد عن الكلام القاسي لان هيك بكون مو جريئة بكون انانية
الجرأة هي بالنهاية عدم السكوت للغلط ولو شو ما كان
وحرية لتعبير عن ذاتي

س 1 / هل تستطيعين كتابة اسمك الصريح في مشاركاتك في النت ؟


اي عادي بس عدم كتابتي لاسمي الصريح مالها أي علاقة بجرأتي


س2 / هل تستطيعين أن تقولي للذكر في حياتك ( أخ ، زوج ، ابن ، رئيس عمل )

كفى انا أرفض سيطرتك ، أو كفى أنت وقح ، أو أنا لا اطيقك

....

بكل تأكيد ..بس أنا بطبيعة حياتي مابحب أسلوب الدج أو التجريح

فيني لمح تلميح مرة ومرتين وتلاتة كمان

وإذا مامشي الحال بحكي بصراحة وبكل عين ماكنة


س 3 / هل لديك الجرأة للتمرد على طبيعة العطاء في شخصيتك ..
و تعطي لنفسك على الاقل يوما واحدا تنزلين فيه
عن كاهلك حمل هم ابنائك ، أو اسرتك ،
أو عملك ، أو زرجك

اي طبعاً وبشعر بلذه لما بتمرد على العطاء بشخصيتي

بس بصراحة هالتمرد بكون مؤقت لأنو قلبي مابطاوعني مو أكتر

س4 / هل أنت جريئة لتقولي لمن حولك أنا انثى ضعيفة سهلة الخدش ( قارورة ) وهذه القوة
قناع احمي به نفسي ..

أنا جريئة جداً لحتى قول لمن حولي انا أنثى مابنكر انو فيني ضعف

الا إنو قوتي قادرة تماماً لأنو تاخد بيد ضعفي وتآزرها

وهالقوة أبداً أبداً مالها قناع .. هي فعلا قوة وبجذور كمان


س5 / أخيرا ... ما مفهوم الجرأة لديكِ .. ؟ ( لك الحرية في التعبير ..)


فيني قول إنو مفهوم الجرأة بيتمحور بقدرة الأنثى على

التصريح برأيها وقناعاتها الخاصة مهما كان الأمر

وقدرتها على تحصيل حقها مو بطريقة التمرد العدواني لاء

لأني بكره البنت العدوانية ومابشوف بتصرفاتها أي جرأة
وانما بكل مرونة وهدوء .... يعني شطارتها بالإقناع ياشطورة


تحياتي